راح فيها مايتي ماوس
Saturday, January 19th, 2008
في يوم قريب وكالعادة دخل الصبي معن في دورة المياة لقضاء الحاجة وحسب مايشوف من أخوانه فقد قام بطرد الشغالة وأمه من الحمام عشان محد يشوفه على باله أنه كبير ولكن المشكلة أنه كمل الموضوع وقفل الحمام بالمفتاح وأنا على وشك أطلع لصلاة المغرب وعندي موعد مهم بعد الصلاة وسمعت من يصيح عليه عشان يفتح الباب لكن هيهات يفتحه لأنه ما يعرف وجيت وحاولت فيه يا معن تكفى أفتح يمين يسار عطن المفتاح طيب بس ما فيه أمل خلاص
وش السوات من وين بجيب أحد يكسر الباب وأول من جاء على بالي صديقي أكرم السباك الباكستاني الحقيقة اتصلت فيه عشان يقول لي من يعرف للباب واروح أجيبه
سألته عن الموضوع قال لي أنا الهين مشقول في بيت واهد زبون أمر أعلمه السالفة وأن معن مسكر على نفسه في الحمام هو سمع الكلام من هنا وجدع اللي في يده من هنا وقال أن يجي الهين بسرعه وجاك طاير للبيت ورجعت لمعن وطمنته أن أكرم يبي يجي الحين وما أمدان أصلي المغرب بالبيت إلا وهو يطق الباب ودخلوه العيال وجاك طاير للحمام وكأنه في حاله طارئة وأسعافية وقام يفكفك ويخلخل بالباب والقفل حتى فتح الباب
وهذا معن بعد ما خلعنا له الباب وهو فرحان بس مادري ليه هو علشان الباب أنفتح وإلا عشان شاف أكرم
بعدين ركب قفل جديد ودخل أكرم للحمام من جوه يجرب القفل أمر ينقفل عليه الباب وأسمعه ينادين أبوزياد أفتخ باب وفتحت له الباب بس هالمره بالمفتاح الجديد من بره
بس السالفة كلها على أكرم وطيرانه وذكرني بمايتي ماوس إذا جاء من الفضاء ينقذ الفارة إذا مسكه البس طبعا مع فارق التشبية ويكرم صديقي أكرم السباك عن هالتشبيه
في يوم قريب وكالعادة دخل الصبي معن في دورة المياة لقضاء الحاجة وحسب مايشوف من أخوانه فقد قام بطرد الشغالة وأمه من الحمام عشان محد يشوفه على باله أنه كبير ولكن المشكلة أنه كمل الموضوع وقفل الحمام بالمفتاح وأنا على وشك أطلع لصلاة المغرب وعندي موعد مهم بعد الصلاة وسمعت من يصيح عليه عشان يفتح الباب لكن هيهات يفتحه لأنه ما يعرف وجيت وحاولت فيه يا معن تكفى أفتح يمين يسار عطن المفتاح طيب بس ما فيه أمل خلاص
وش السوات من وين بجيب أحد يكسر الباب وأول من جاء على بالي صديقي أكرم السباك الباكستاني الحقيقة اتصلت فيه عشان يقول لي من يعرف للباب واروح أجيبه
سألته عن الموضوع قال لي أنا الهين مشقول في بيت واهد زبون أمر أعلمه السالفة وأن معن مسكر على نفسه في الحمام هو سمع الكلام من هنا وجدع اللي في يده من هنا وقال أن يجي الهين بسرعه وجاك طاير للبيت ورجعت لمعن وطمنته أن أكرم يبي يجي الحين وما أمدان أصلي المغرب بالبيت إلا وهو يطق الباب ودخلوه العيال وجاك طاير للحمام وكأنه في حاله طارئة وأسعافية وقام يفكفك ويخلخل بالباب والقفل حتى فتح الباب
وهذا معن بعد ما خلعنا له الباب وهو فرحان بس مادري ليه هو علشان الباب أنفتح وإلا عشان شاف أكرم
بعدين ركب قفل جديد ودخل أكرم للحمام من جوه يجرب القفل أمر ينقفل عليه الباب وأسمعه ينادين أبوزياد أفتخ باب وفتحت له الباب بس هالمره بالمفتاح الجديد من بره
بس السالفة كلها على أكرم وطيرانه وذكرني بمايتي ماوس إذا جاء من الفضاء ينقذ الفارة إذا مسكه البس طبعا مع فارق التشبية ويكرم صديقي أكرم السباك عن هالتشبيه
