أرقام مهمة لكن لا تهمك ترا ما عندك أحد
Friday, October 26th, 2007
في أول أيام العيد ومن أجل تغيير الجو والتمتع بالأجازة اتفقنا مع بعض الأخوان والأحباب ووقع الأختيار على طعوس الدهنا وبالفعل توجهنا هناك بعد عصر ثاني ايام العيد وكان الواحد يتطلع أنه ياصل بدري ويستمتع بطعوس الدهنا الحمراء
وحنا ماشين على خط الشرقية بأمان الله سقط علينا راعي فان محمل اسرة كاملة وعلى طول ضرب كفر بس الحمدلله ما كان مسرع مرة على بس حاست يمين ويسار وكم لفة حتى ضربت بالشبك الوسطي وانقلبت قلبة أو قلبتين وهدينا مرة وكان اغلبهم داخل السيارة وبعض بزارينهم منتثرين بالأرض وبغيت اوقف بس ما بيدي حيلة على الأقل أتصل على الأرقام المهمة تجي تسعف
أتصلت على حبايبنا في المرور 993 وبعد شرح مطول ووصف مفصل قال لي معليش المكان هذا خارج مدينة الرياض وما لنا دخل اتصل على أمن الطرق
قلنا ميخالف نتصل على أمن الطرق 996 مرة وثنتين وعشر بس محدش يرد لا حول ولا قوة الا بالله الناس ماتوا ومحد يرد قلت تدري خش على الهلال الأحمر 997 ونفس الحكاية محدش بيرد الله يرحمكم ياراعين الفان
لين وصلنا نقطة تفتيش حقت أمن الطرق ماهي بعيدة وأوقف وأقول للي يفتش ياخوي ترا فيه حادث قبلكم بشوي توه صاير واتصل عليكم محد يرد قال لي توكل على الله أمش تقل يهش له غنمة أنا أرتفع ضغطي مليون
وخربت الرحلة وصار طعم الطعوس الحمراء مالغ
الخلاصة أدعوا لجماعة الفان بالرحمة والي عنده نية يسافر بر لا يسافر بالأجازات ترا جماعة ألرقام تهمك اللي فوق كلهم يسافرون معكم بأجازة أو على الأقل خذ أرقام تهمك من البحرين يمكن ياصلون وينقذونك قبل ما يردون جماعتنا الله يكفينا وياكم الشر
في أول أيام العيد ومن أجل تغيير الجو والتمتع بالأجازة اتفقنا مع بعض الأخوان والأحباب ووقع الأختيار على طعوس الدهنا وبالفعل توجهنا هناك بعد عصر ثاني ايام العيد وكان الواحد يتطلع أنه ياصل بدري ويستمتع بطعوس الدهنا الحمراء
وحنا ماشين على خط الشرقية بأمان الله سقط علينا راعي فان محمل اسرة كاملة وعلى طول ضرب كفر بس الحمدلله ما كان مسرع مرة على بس حاست يمين ويسار وكم لفة حتى ضربت بالشبك الوسطي وانقلبت قلبة أو قلبتين وهدينا مرة وكان اغلبهم داخل السيارة وبعض بزارينهم منتثرين بالأرض وبغيت اوقف بس ما بيدي حيلة على الأقل أتصل على الأرقام المهمة تجي تسعف
أتصلت على حبايبنا في المرور 993 وبعد شرح مطول ووصف مفصل قال لي معليش المكان هذا خارج مدينة الرياض وما لنا دخل اتصل على أمن الطرق
قلنا ميخالف نتصل على أمن الطرق 996 مرة وثنتين وعشر بس محدش يرد لا حول ولا قوة الا بالله الناس ماتوا ومحد يرد قلت تدري خش على الهلال الأحمر 997 ونفس الحكاية محدش بيرد الله يرحمكم ياراعين الفان
لين وصلنا نقطة تفتيش حقت أمن الطرق ماهي بعيدة وأوقف وأقول للي يفتش ياخوي ترا فيه حادث قبلكم بشوي توه صاير واتصل عليكم محد يرد قال لي توكل على الله أمش تقل يهش له غنمة أنا أرتفع ضغطي مليون
وخربت الرحلة وصار طعم الطعوس الحمراء مالغ
الخلاصة أدعوا لجماعة الفان بالرحمة والي عنده نية يسافر بر لا يسافر بالأجازات ترا جماعة ألرقام تهمك اللي فوق كلهم يسافرون معكم بأجازة أو على الأقل خذ أرقام تهمك من البحرين يمكن ياصلون وينقذونك قبل ما يردون جماعتنا الله يكفينا وياكم الشر
