خلك قوي زي الحرامي
Friday, April 13th, 2007
شريت قبل كم يوم سيكل لريما وسيارة لمعن بعد إلحاح شديد لأن مابيهم يسوقون الحين لين يكبرون شوي عشان ما يمسكهم المرور بس اللي صار صار
طبعا بحكم أني مهندس عيب أشتري شي مركب وجاهز لازم اشتري شي مفكك واركبه بالبيت مع العيال حسب الكاتلوج عشان اشخص عليهم بس كل مره حالتي حاله مع اي شي اشتريه لأني اضيع احيانا ساعات لين اخلص التركيب بس كل شي يهون عشان ما طيح من عيون زياد وعزام
المهم يوم جبنا السيكل والسيارة بديت بسيارة معن عشان شكله سهله وتيسرت ولله الحمد بعد ساعة خلصت تركيب
يوم جينا لسيكل ريما اثره غثيث واجله لبكره واقنعته يوم جاء بكرة طيب بكرة مرة ثانية وبعد بكره لين استنفدت كل محاولات التأجيل لين بديت على مضض لكن ما خلصت بأول يوم وركبت شوي بيوم وشوي ثانية بيوم ثاني وباخر يوم وانا اركب شافتن ريما وانا طفشان وانا اشد الصواميل قالت بابا خلك قوي قوي زي زي زي الحرامي وخلك سريع سريع زي زي الحرامي بعد ومن هاك اليوم تبين قوي زي الحرامي واسرع بالسيارة زي الحرامي وأي شي اسويه لازم اسويه زي الحرامي وعلى الرغم اني حاولت اقنعه اني اقوى من الحرامي واسرع من الحرامي لكن عجزت اقنعه تنسلى موضوع الحرامي الى الحين وما قدرت اعرف من اقنعه بهالكلام لكن للأسف ان الحرامي صاير قدوة والله يستر من بعدين من يبي يصير قدوة بعد
لكن الحقيقة يوم فكرت بالموضوع اثر الحرامي قد يستحق أن يكون قدوة خصوصا ان معظم الحرامية فعلا قوي وما يخاف ويسرق في عز القايلة ومحد سائل عنه وما همه احد وايضا كثير من الحرامية سريعين جدا خصوصا حرامية الأسهم يدخل السوق ويسرق ويطلع ومحد درى عنه بس محد يفهمن غلط انا قصدي الحرامي قدوة في القوة والسرعة وليس قدوة بالسرق الله يرزقنا من حلاله
شريت قبل كم يوم سيكل لريما وسيارة لمعن بعد إلحاح شديد لأن مابيهم يسوقون الحين لين يكبرون شوي عشان ما يمسكهم المرور بس اللي صار صار
طبعا بحكم أني مهندس عيب أشتري شي مركب وجاهز لازم اشتري شي مفكك واركبه بالبيت مع العيال حسب الكاتلوج عشان اشخص عليهم بس كل مره حالتي حاله مع اي شي اشتريه لأني اضيع احيانا ساعات لين اخلص التركيب بس كل شي يهون عشان ما طيح من عيون زياد وعزام
المهم يوم جبنا السيكل والسيارة بديت بسيارة معن عشان شكله سهله وتيسرت ولله الحمد بعد ساعة خلصت تركيب
يوم جينا لسيكل ريما اثره غثيث واجله لبكره واقنعته يوم جاء بكرة طيب بكرة مرة ثانية وبعد بكره لين استنفدت كل محاولات التأجيل لين بديت على مضض لكن ما خلصت بأول يوم وركبت شوي بيوم وشوي ثانية بيوم ثاني وباخر يوم وانا اركب شافتن ريما وانا طفشان وانا اشد الصواميل قالت بابا خلك قوي قوي زي زي زي الحرامي وخلك سريع سريع زي زي الحرامي بعد ومن هاك اليوم تبين قوي زي الحرامي واسرع بالسيارة زي الحرامي وأي شي اسويه لازم اسويه زي الحرامي وعلى الرغم اني حاولت اقنعه اني اقوى من الحرامي واسرع من الحرامي لكن عجزت اقنعه تنسلى موضوع الحرامي الى الحين وما قدرت اعرف من اقنعه بهالكلام لكن للأسف ان الحرامي صاير قدوة والله يستر من بعدين من يبي يصير قدوة بعد
لكن الحقيقة يوم فكرت بالموضوع اثر الحرامي قد يستحق أن يكون قدوة خصوصا ان معظم الحرامية فعلا قوي وما يخاف ويسرق في عز القايلة ومحد سائل عنه وما همه احد وايضا كثير من الحرامية سريعين جدا خصوصا حرامية الأسهم يدخل السوق ويسرق ويطلع ومحد درى عنه بس محد يفهمن غلط انا قصدي الحرامي قدوة في القوة والسرعة وليس قدوة بالسرق الله يرزقنا من حلاله
